नेपाल जनजागरण मञ्चले आठबिसकोट नगरपालिका वडा नं. १ र २ मा सामुहिक रुपमा तरकारीको बेर्ना उत्पादन गरि समुदायमा वितरण गर्ने हेतुले समुदायलाई टनेल सहयोग गरेको छ । हिउँदमा चिसोको कारणले हरियो तरकारी उत्पादन नहुने भएकोले समुदायको मागको आधारमा हिउँदमा पनि हरियो तरकारी उत्पादन गर्ने उदेश्यले टनेल सहयोग गरिएको हो ।
उक्त टनेल नेपाल जनजागरण मञ्चले फास्टेनएक्सन स्वीजरल्याण्डसंगको साझेदारीमा संचालन गरेको सामुदायिक खाद्य सरक्षा तथा सशक्तिकरण परियोजना अन्तर्गत सहयोग गरिएको हो । वडा नं. १ को रोकाजामा र उमखोला गरी दुई वटा र वडा नं. २ को पहाडामा २ वटा र स्याँलामा १ वटा गरी जम्मा ५ वटा टनेल वितरण गरिएको हो ।
परियोजनाका कर्मचारीहरुको प्राविधिक सहयोग र समुदायको अग्रसरतामा टनेल निर्माण गरिएको हो । टनेलमा समुदायले हिउँदे तरकारीहरुको बेर्ना उत्पादन गरेर हिउँद महिनामा पनि विभिन्न हरियो तरकारी उत्पादन भइ खाद्य तथा पोषण सुरक्षामा टेवा पुग्ने अपेक्षा गरिएको छ ।